18% ආපනශාලා මිනිස් පරිභෝජනයට නුසුදුසුයි – උපුල් රෝහණ

ශ්‍රී ලංකාවේ අවන්හල්වලින් 18% ක් පමණ අසතුටුදායක මට්ටමක පවතින බව සමස්ත ලංකා මහජන සෞඛ්‍ය පරීක්ෂකවරුන්ගේ සංගමය පවසයි.

එම සංගමයේ සභාපති උපුල් රෝහණ පැවසුවේ සෑහීමකට පත් නොවන තත්ත්වයක පවතින 18%ක ආපනශාලා සහ හෝටල් සංවර්ධනය කිරීමට අවශ්‍ය පියවර ගන්නා බවයි.

“ශ්‍රී ලංකාවේ දැනට පවතින හෝටල් සහ ආපනශාලාවලින් 18%ක් අසතුටුදායකයි. විශේෂයෙන්ම මිනිස් පරිභෝජනයට නුසුදුසු ආහාර නිෂ්පාදනය වෙනවා. තවත් 27% සාමාන්‍ය තත්වයේ පවතින අතර 55% ඉතා හොඳ තත්ත්වයේ තිබෙනවා. ශ්‍රී ලංකාවේ හෝටල් සහ ආපනශාලා 2022 මහජන සෞඛ්‍ය පරීක්ෂකවරුන්ගේ ආහාර පරිභෝජන වර්ගීකරණ පද්ධති සමීක්ෂණ දත්ත සමීක්ෂණ දත්තවලට අනුව නිකුත් කරනු ලබන්වා. දත්තවලට අනුව A කාණ්ඩයේ හෝටල් සහ ආපනශාලාවලින් 55% ක් ද, B කාණ්ඩයේ හෝටල් සහ ආපනශාලාවලින් 27% ක් ද, C කාණ්ඩයේ හෝටල් සහ ආපනශාලාවලින් සියයට 18 ක්ද අසතුටුදායක වේ. මිනිස් පරිභෝජනයට නුසුදුසු ආහාර නිෂ්පාදනය කරන හෝටල් සහ ආපනශාලා 18%ක් සංවර්ධනය කිරීම සඳහා අවශ්‍ය උපදෙස්, රෙගුලාසි ගනිමින් ඒවා අවම වශයෙන් B කාණ්ඩයට ගෙන ඒමට අවශ්‍ය අවස්ථාවලදී නීතිමය පියවර ගනිමින් සිටිනවා.“