ගොවීන්ගේ වගා කටයුතු සඳහා අවශ්‍ය සහන සැලසීමට රජය විසින් මේ වසරේදී රුපියල් මිලියන 56,000ක මුදලක් වෙන්කර තිබේ.
විශේෂයෙන් ගොවීන්ට තම නිෂ්පාදන සඳහා වැය වන පිරිවැය අවම කිරීමේ ව්‍යාපෘති ක්‍රියාත්මක කිරීමේ අරමුණින් මෙම මුදල ලබාදෙන බවයි කෘෂිකර්ම අමාත්‍යාංශය සඳහන් කළේ.
මේ වනවිට වගා කටයුතුවල යෙදීමේදී වියදම් ඉහළ යාම නිසා අස්වනු නෙලීමෙන් පසු ප්‍රමාණවත් තරම් ලාභයක් නොලැබෙන බවට ගොවීන් මැසිවිලි නැගීම හේතුවෙන් අදාළ මුදල ගොවි ජනතාවට සහන සැලසීමට පියවර ගෙන ඇත.