ඔපෙක්ස් හෝලිඩින්ග්ස් අධිපති ඔනේෂ් සුබසිංහගේ මරණය සම්බන්ධයෙන් ඔහුගේ බිරිය සහ සහායිකාව කොටු කර ගැනීම සඳහා අපරාධ පරීක්ෂණ දෙපාර්තමේන්තුව ජාත්‍යන්තර පොලිසිය හරහා බ්‍රසීල පොලිසියේ සහය ඉල්ලා ඇති බව වාර්තා වෙයි.
ඉන්දුනීසියාවේ ජකර්තා පොලිසියද බ්‍රසීල පොලිසියෙන් එවන් ඉල්ලීමක් කර ඇති බවයි අපරාධ පරීක්ෂණ දෙපාර්තමේන්තුවේ උසස් නිලධාරියෙකු පැවසුවේ.
ඔනේෂ් සුබසිංහගේ බ්‍රසීල ජාතික බිරිය සහ ඇගේ සහයිකාව මේ වන විට බ්‍රසීලයේ සිටින බවට තහවුරු කළ හැකි තොරතුරු ලැබී ඇති අතර ඒ අනුවයි රහස් පොලිසිය විසින් බ්‍රසීල පොලිසියෙන් මෙම ඉල්ලීම කර ඇත්තේ.