ජනාධිපති රෝච් කබොරේ නෙරපා තමන් බලය අල්ලාගත් බව බූකිනා ෆාසෝ හමුදාව පවසයි.
රට තුළ ආරක්ෂක තත්ත්වය දුර්වලවීම හේතුවෙන් තමන් එම පියවර ගත් බව එරට ජාතික විද්‍යුත් නාලිකා ඔස්සේ නිවේදනයක් නිකුත්කරමින් හමුදා නිලධාරියෙක් ඒ බව පැවසීය.
රට තුළ වර්ධනය වෙමින් පවතින ඉස්ලාම් අන්තවාදය පාලනයට ජනාධිපතිවරයා අපොහොසත් වී ඇති බව එරට හමුදා නායකයෝ චෝදනා කරති. ජනාධිපතිවරයා කොහේ සිටීදැයි යන්න හෙළිකර නොමැති අතර හමුදාව පවසන්නේ තම භාරයට ගත් සියලුදෙනා ආරක්ෂාකාරීව සිටින බවයි.