ඉන්දියාවේ චත්තිස්ගාර් ප්‍රාන්තයේ කාන්තාවක් ඝාතනය කර ඇයගේ සිරුරේ කොටස් ජල ටැංකියකට දමා ඇති බව විදෙස් මාධ්‍ය වාර්තා කරයි.
චත්තිස්ගාර් ප්‍රාන්තයේ බිලාස්පූර් ප්‍රදේශයේ පවන් තාකූර් නැමැත්තා තම බිරිඳ සාහුගේ හැසිරීම පිළිබඳව සැක පහළ වී බහින්බස් වීමක් ඇති කරගෙන ඇති බව පැවසේ. මේ තත්ත්වය තුළ තවත් ආරවුලක් හේතුවෙන් කෝපයට පත් ඔහු සිය බිරිඳ ඝාතනය කර ඇයගේ සිරුරු කොටස් කපා නිවස මුදුනේ තිබූ වතුර ටැංකියට දමා තිබේ.
ප්‍රදේශයේ පවතින දුර්ගන්ධය හේතුවෙන් අසල්වාසීන් පොලිසියට පැමිණිලි කර ඇති අතර අනතුරුව පොලිසිය එම ස්ථානයට ගොස් වැඩිදුර විමර්ශනය කිරීමේදී සිරුරේ කොටස් කැබලිවලට කපා ජල ටැංකියේ සඟවා තිබූ බව සොයාගෙන තිබෙනවා.
පොලිසිය සැකකරු අත්අඩංගුවට ගෙන වැඩිදුර පරීක්ෂණ පවත්වයි.