සංවර්ධන ලොතරැයි මණ්ඩලයේ සභාපතිවරයා වශයෙන් කටයුතු කරමින් සිටියදී එහි වාහන අවභාවිතා කළ බවට චෝදනා ලැබූ හිටපු නියෝජ්‍ය අමාත්‍ය සරණ ගුණවර්ධන ඇප මත මුදා හැරීමට කොළඹ මහාධිකරණය අද නියෝග කළා.
ඒ ඔහුට අධි චෝදනා පත්‍ර භාරදීමෙන් හා රුපියල් ලක්ෂ 10ක පුද්ගලික ඇප දෙකක් මතයි.
2006 වසරේ අගෝස්තු මස 01 වනදා සිට 2007 වසරේ ජූලි 31 වන දින දක්වා කාල සීමාව තුළ සංවර්ධන ලොතරැයි මණ්ඩලය සතු වාහන තුනක් අවභාවිත කළ බවටත් එමගින් රුපියල් ලක්ෂ 24 කට ආසන්න මුදලක් රජයට පාඩු කල බවටත් චෝදනා කරමින් දූෂණය නැමැති වරද යටතේ අල්ලස් කොමිසම සරණ ගුණවර්ධනට එරෙහිව මෙම නඩුව ගොනු කර තිබුණා.
නඩුව නැවත කැඳවනු ලබන්නේ මැයි මස 08 වනදායි.