රුහුණු විශ්ව විද්‍යාලයේ ඉකුත් මස 26 වැනිදා ඇතිවූ ගැටුමට සම්බන්ධ සිසුන් දෙදෙනෙකු නීතිඥයකු මාර්ගයෙන් කඹුරුපිටිය පොලිසිය වෙත භාර වී තිබෙනවා.
රුහුණු විශ්ව විද්‍යාලයේ කඹුරුපිටිය තාක්ෂණ පීඨයේ නේවාසිකාගාර පාලකට ඉකුත් මස 26 වැනිදා සිසුන් පිරිසක් පහර දී තිබුණේ බහින්බස් වීමක් මුල් කරගෙනයි.
එම පහරදීමට සම්බන්ධව හඳුනාගත් මෙම සිසුන් දෙදෙනාට පොලිසියට භාරවන ලෙසට කළ දැනුම්දීමට අනුව ඔවුන් ඊයේ නීතිඥයකු මාර්ගයෙන් පැමිණ පොලීසියට භාරවී තිබුණා.
දෙවන වසරේ ඉගෙනුම ලබන හෙට්ටිපොල සහ කඩිගමුව ප්‍රදේශයේ පදිංචි සිසුන් දෙදනා අද කොටවිල මහේස්ත්‍රාත් අධිකරණයට ඉදිරිපත් කිරිමට නියමිතයි.