මෙරටට අවශ්‍ය ආහාර ද්‍රව්‍ය, ඖෂධ ඇතුළු ද්‍රව්‍ය මිලදී ගැනීම සඳහා ඉන්දියාවෙන් ඩොලර් බිලියනයක තාවකාලික ණය පහසුකමක් ලබාගැනීමට සාකච්ඡා ආරම්භ කර ඇති බව වාර්තා වේ.
මීට පෙර ඉන්දියාවෙන් අත්‍යාවශ්‍ය ආහාර ද්‍රව්‍ය, ඖෂධ, කාර්මික උපකරණ සහ පොහොර ආනයනය කිරීමට ශ්‍රී ලංකාවට ඇමෙරිකානු ඩොලර් බිලියන 1ක සහ ඇමෙරිකානු ඩොලර් බිලියන 1.5ක ණය පහසුකමක් ලබා දී ඇත.
එම ණය මුදල් මෙරටට අවශ්‍ය භාණ්ඩ ආනයනය කිරීමට යොදාගෙන ඇති අතර ඒවා ආපසු ගෙවීමටද පියවර ගෙන ඇත. එවැනි පසුබිමක් යටතේ ඉදිරි උත්සව සමය සඳහා ආහාර සහ අනෙකුත් අත්‍යවශ්‍ය ද්‍රව්‍ය මිලදී ගැනීම වෙනුවෙන් ඉන්දීය ණය පහසුකම් භාවිත කිරීමට ශ්‍රී ලංකා රජය බලාපොරොත්තු වේ.
මුදල් අමාත්‍යාංශය දැනටමත් ඉන්දීය රජය සමඟ සාර්ථක සාකච්ඡා වට කිහිපයක් පවත්වා ඇති බවයි වාර්තා වන්නේ.