ශ්‍රී ලංකා කණ්ඩායමේ සුපිරි පිතිකරු කුසල් මෙන්ඩිස් සිය 08 වන ජාත්‍යන්තර ටෙස්ට් ශතකය සංචාරක අයර්ලන්ත කණ්ඩායමට එරෙහිව වාර්තා කිරීමට අද (16) සමත් වුණා.
ගාල්ල ජාත්‍යන්තර ක්‍රිකට් ක්‍රීඩාංගනයේ දී කුසල් මෙන්ඩිස් පන්දු 142ක් තුළ රැස්කළ මෙම ශතකයට හතරේ පහර 14ක් සහ හයේ පහරක් ඇතුළත්.
මේ අතර සිය ටෙස්ට් ක්‍රිකට් දිවියේ 15 වන ශතකය වාර්තා කිරීමට ශ්‍රී ලංකා ටෙස්ට් කණ්ඩායමේ නායක දිමුත් කරුණාරත්නට ද මීට ටික වේලාවකට පෙර හැකියාව ලැබුණා.