සිංහල හා දෙමළ අලුත් අවුරුද්ද වෙනුවෙන් ජනතාවට ගම්බිම් බලා යාමට යෙදවූ බස් රථ 7000ම ඊයේ (16) සිට යළිත් ගම්බිම් බලා ගිය ජනතාව කොළඹට ප්‍රවාහනය කිරීම සඳහා යොදවා ඇති බව ශ්‍රී ලංකා ගමනාගමන මණ්ඩලයේ සභාපති ලලිත් ද අල්විස් පැවසීය.
මෙම ප්‍රවාහන වැඩපිළිවෙළ 16, 17, 18 තෙදින තුළ ක්‍රියාත්මක වන බවයි සභාපතිවරයා සඳහන් කළේ.
සිංහල හා අලුත් අවුරුද්ද වෙනුවෙන් පසුගිය 07 වැනිදා සිට ප්‍රවාහන සැලැස්මක් ආරම්භ කළ අතර ඒ අනුව අප්‍රේල් 14 වැනිදා දක්වා පුද්ගලික බස් රථ 3000කුත්, ශ්‍රී ලංකා ගමනාගමන මණ්ඩලයේ බස් රථ 4000කුත් යොදවා යොදවා තිබුණි. ඊට අමතරව බස් රථ 300ක ඇණියක් ද සූදානම් කර තිබුණි.