දඹුල්ල ප්‍රදේශයේ පදිංචි 15 හැවිරිදි දැරියක් බරපතල ලෙස ලිංගික අපයෝජනය කළ බව කියන තරුණයෙක් අත්අඩංගුවට ගෙන තිබේ.
මෙම දැරිය මුහුණු පොත මගින් හඳුනාගත් තරුණයකු සමඟ ප්‍රේම සම්බන්ධතාවක් පවත්වාගෙන ගොස් ඇත. කතරගම ප්‍රදේශයේ පිහිටි ඔහුගේ නිවසට ඇය පැමිණ සිටියදී අමානුෂික ලිංගික හිරිහැරවලට ලක් වූ බව කියමින් කතරගම පොලිසිය විසින් ඇය පෙරේදා (16) පොලිස් භාරයට ගනු ලැබීය.
දැරිය මෙලෙස අමානුෂික ලෙස දූෂණය කර ඇත්තේ 27 හැවිරිදි තරුණයෙක් වන අතර ඔහු මේ වනවිට අත්අඩංගුවට ගෙන ඇති බවයි පොලිසිය පවසන්නේ.
පොලිස් භාරයට ගත් දැරිය වෛද්‍ය පරීක්ෂණයකට යොමු කිරීමට කතරගම රෝහලට ඇතුළත් කර ඇත.