ආර්ථික අපහසුකම් නිසා බව පවසමින් නිවෙස්වලින් පලාගිය බාල වයස්කාර සිසුන් තිදෙනා අම්බලන්ගොඩ ප්‍රදේශයේ රැඳී සිටියදී පොලිස් භාරයට ගෙන තිබෙනවා.
පසුගිය 14 වැනිදා නිවෙස්වලින් පිටව ගිය මොවුන් යළි නොපැමිණි බවට ඔවුන්ගේ දෙමාපියන් ඇතුළු ඥාතීන් පොලිසියට පැමිණිලි කර තිබූ අතර එක් සිසුවෙකු පවුලේ ඥාතියෙකුට පවසා තිබුණේ පවුලේ අගහිඟකම් පවතින බවත් ඒ හේතුවෙන් තමන්ට රැකියාවක් කිරීමට අවශ්‍ය බවයි.
අනෙක් සිසුන් දෙදෙනා සංගීත ප්‍රසංගයක් නැරඹීමට යන බවට පවසමිනුයි නිවෙස්වලින් පිටව ගොස් ඇත්තේ.