ෆේස්බුක් සමාජ මාධ්‍ය ජාලයේ හිමිකාරිත්වය දරන මෙටා සමාගම නැවතත් සේවක කප්පාදුවක් සිදුකර ඇති බව විදෙස් මාධ්‍ය වාර්තා කරයි.
මෙටා ප්‍රධාන විධායක මාර්ක් සකර්බර්ග් විසින් තම ව්‍යාපාරය තවදුරටත් කාර්යක්ෂම කිරීමේ අරමුණින් එම ක්‍රියාවලිය ආරම්භ කර ඇති බවයි ඔවුන් පවසන්නේ.
නවතම සේවක කප්පාදුවෙන් එහි සේවය කරන තාක්ෂණික ඉංජිනේරුවන්ට සහ අනෙකුත් සේවකයින්ට බලපෑම් ඇති වන අතර විදෙස් මාධ්‍ය වාර්තා කරන්නේ ඒ යටතේ සේවකයින් 10,000ක් පමණ ඉවත් කිරීමට නියමිත බවයි.
මෙම ක්‍රියාවලිය මාස කිහිපයක් පුරාවට සැලසුම් කර ඇති බවයි විදෙස් මාධ්‍ය වාර්තා කරන්නේ.