කොස්ලන්ද දියලුම දිය ඇල්ලේ උඩදියලුම ප්‍රදේශය රාත්‍රී කඳවුරු සඳාහා සංචාරකයන් අතර ඉමහත් ප්‍රසිද්ධියකට පත් ප්‍රදේශයකි.
එම ප්‍රදේශයේ රාත්‍රී කඳවුරක් සඳහා ඊයේ (11) දින තරුණ යුවලක් පැමිණ ඇති අතර ඊයේ රාත්‍රී ඔවුන් සිටි කූඩාරමට වනඅලි ප්‍රහාරයක් එල්ල වී තිබේ.
එම වනඅලි ප්‍රහාරයෙන් තරුණිය එම ස්ථානයේදීම මියගොස් ඇති අතර තරුණයා තුවාල ලබා රෝහල්ගත කර ඇත.
මෙසේ මියගොස් ඇත්තේ මාතර ප්‍රදේශයේ පදිංචි වයස අවුරුදු 23ක තරුණියක් වන අතර තුවාල ලැබූ තරුණයා වාරියපොල ප්‍රදේශයේ පදිංචි වයස අවුරුදු 22ක අයෙක් වේ.
සිද්ධිය සම්බන්ධයෙන් කොස්ලන්ද පොලිස් ස්ථානයේ නිලධාරීන් විසින් ඉදිරි විමර්ශන සිදු කරයි.
