බද්දේගම, නියාගම සහ නාගොඩ ප්‍රාදේශීය ලේකම් කොට්ඨාසවලට අයත් පහත් බිම්වලට හෙට (17) සැලකිය යුතු මට්ටමේ ගංවතුරක් ඇති විය හැකි බව වාරිමාර්ග දෙපාර්තමේන්තුව පවසයි.
නිවේදනයක් නිකුත් කරමින් එම දෙපාර්තමේන්තුව පවසන්නේ ගිං ගඟ ද්‍රෝණිය සඳහා නිකුත් කළ ගංවතුර අනතුරු ඇඟවීමේ නිවේදනය ඉදිරි පැය 24 දක්වා දීර්ඝ කර ඇති බවයි.
මෙම තත්ත්වය සම්බන්ධයෙන් එම ප්‍රදේශවල පදිංචි මහ ජනතාවට දැඩි සැලකිල්ලකින් කටයුතු කරන ලෙසත් එම ප්‍රදේශවල අතුරු මාර්ගවල ගමන් ගන්නා රියදුරන් ද මේ පිළිබඳ දැනුවත් වීම වැදගත් බවත් වාරිමාර්ග දෙපාර්තමේන්තුව ඉල්ලා සිටියි.