ගුවන් ගමන් ප්‍රමාදයක් හේතුවෙන් දකුණු කොරියාවේ රැකියා අවස්ථාවන් සඳහා යාමට නොහැකි වූ 48 දෙනාට යළි එරට වෙත පැමිණීම සඳහා දිනයක් ලබා දී තිබේ.
ඒ අනුව එම පිරිසට ලබන ජුනි මස 4 වනදා උදෑසන 05.00 වනවිට දකුණු කොරියාවට පැමිණෙන ලෙස එරට මානව සම්පත් දෙපාර්තමේන්තුව විසින් දැනුම් දී ඇති බවයි විදේශ සේවා නියුක්ති කාර්යාංශයේ පවසන්නේ.
ඊයේ (23) රාත්‍රියේ ඔවුන් දකුණු කොරියාව බලා පිටත්ව යාමට නියමිතව තිබූ ගුවන් යානය පැය 10 ක පමණ කාලයක් ප්‍රමාද වූ අතර එම යානය අද (24) පෙරවරුවේ පිටත් වන බව ශ්‍රී ලංකන් ගුවන් සේවය නිවේදනය කර තිබුණි.
කෙසේවෙතත් දකුණු කොරියාවේ මානව සම්පත් දෙපාර්තමේන්තුව දැනුම් දී ඇත්තේ අදාළ පිරිස භාරගත නොහැකි බවයි.