සති දෙකක කාලයක් කතරගම ප්‍රාදේශීය ලේකම් කොට්ඨාශය තුළ පිහිටි සියලුම සුරාබදු බලපත්‍ර ලත් සුරාසැල් වසා තැබීමට අනුමැතිය ලැබී තිබේ.
ඒ අනුව එළඹෙන ජුනි 19 වැනිදා සිට ජුලි 04 වැනිදා දක්වා කාලය තුළ කතරගම සියලුම සුරාසල් වසා තැබෙන බවයි සුරාබදු කොමසාරිස්වරයා පවසන්නේ.
රුහුණු කතරගම මහා දේවාලයේ ඇසළ උත්සවය පැවැත්වෙන කාලය තුළ ඇසල උත්සව භූමිය මතින් තොර කලාපයක් බවට පත් කිරීමේ අරමුණිනුයි මෙම තීරණය ගෙන ඇත්තේ.