උතුරු කොරියාව රොකට්ටුවක් ගුවන්ගත කර ඇති බව ජපානයේ සහ දකුණු කොරියාවේ ආරක්ෂක අංශ තහවුරු කර තිබේ.
ඒ උතුරු කොරියාව සිය ප්‍රථම අභ්‍යවකාශ චන්ද්‍රිකාව උඩු ගුවනට යැවීමට සැලසුම් කර ඇති බව ප්‍රකාශ කිරීමෙන් සුළු වේලාවකට පසුවයි.
ඒ සම්බන්ධව ජපානය ඔකිනාවාහි සිය වැසියන්ට අනතුරු ඇඟවීමක් ද සිදුකර ඇති අතර රොකට්ටුව තම භූමියට කඩා වැටීමේ අවදානමක් නොමැති බවයි පසුව ජපාන බලධාරින් සඳහන් කළේ.
ජපානය පැවසුවේ තම භූමියට තර්ජනයක් වන ඕනෑම දෙයක් බිම හෙළීමට සූදානම් බවයි.