සංචාරකයින් අතර සුප්‍රකට කෝඩේලියා කෲස් ඉන්දිය මගී ප්‍රවාහන නෞකාව පළමු සංචාරය සදහා අද (05) පස්වරුවේ චෙන්නායි වරායෙන් පිටත්වීමට නියමිතය.
ඉන්දීය මාධ්‍ය වාර්තා කරන්නේ එම නෞකාව අනිද්දා (07) මෙරටට ළඟාවනු ඇති බවයි.
කෝඩේලියා කෲස් නෞකාව චෙන්නායි සිට හම්බන්තොට, ත්‍රිකුණාමලය සහ යාපනය වෙත සංචාරකයන් රැගෙන ඒමට නියමිත අතර කෝඩේලියා කෲස් නෞකාවේ අමුත්තන් 1800කට පහසුකම් සැලසීමේ හැකියාව ඇත.
මෙම නෞකාව කාමර 796කින් සමන්විත අතර තට්ටු 11කින් සමන්විතය.