කොම්පඤ්ඤවීදිය යූනියන් පෙදෙස, ඉදිකරමින් පවතින නිවාස සංකීර්ණයක 8 වැනි මහලින් වැටී චීන ජාතිකයෙකු මියගොස් ඇතැයි කොම්පඤ්ඤවීදිය පොලිසිය පවසයි.
මෙලෙස මියගොස් ඇත්තේ එම නිවාස සංකීර්ණයේ සහකාර ඉංජිනේරුවෙකු වශයෙන් කටයුතු කරන 24 හැවිරිදි තරුණයෙකි.
මොහු ගොඩනැගිල්ලේ ඉදිකිරීම් නිරීක්ෂණය කරමින් සිටියදී ඊයේ (04) සවස එම ගොඩනැගිල්ලෙන් බිමට වැටී ඇති අතර සිද්ධියෙන් බරපතල තුවාල ලැබූ ඔහු කොළඹ ජාතික රෝහලට ඇතුළත් කරන අවස්ථාවේදීත් මියගොස් ඇති බවයි වාර්තා වන්නේ.