අන්තර් විශ්වවිද්‍යාලයීය ශිෂ්‍ය බල මණ්ඩලයේ කැඳවුම්රු මධුෂාන් චන්ද්‍රජිත් ඇතුළු 13 දෙනෙකුට එරෙහිව වාරණ නියෝගයක් නිකුත් කර තිබේ.
අන්තර් විශ්වවිද්‍යාල ශිෂ්‍ය බල මණ්ඩලය අද (07) කොළඹදී පැවැත්වීමට නියමිත විරෝධතා පාගමනට එරෙහිව කොළඹ කොටුව මහේස්ත්‍රාත් අධිකරණය විසිනුයි මෙම වාරණ නියෝගය නිකුත් කර ඇත්තේ.
කොල්ලුපිටිය, කොම්පඤ්ඤවීදිය සහ කොළඹ කොටුව පොලිස් ස්ථාන කළ ඉල්ලීමක් සැලකිල්ලට ගනිමින් මෙම නියෝගය නිකුත් කර ඇති අතර ඒ අනුව ඔවුන්ට අරලියගහ මන්දිරය, අග්‍රාමාත්‍ය කාර්යාලය, ජනාධිපතිවරයාගේ පෞද්ගලික නිවස, ජනාධිපති ලේකම් කාර්යාලය, ජනාධිපති මන්දිරය සහ ගාලුමුවදොර වටරවුමේ සිට එන්.එස්.ඒ. වටරවුම දක්වා මාර්ගයට ඇතුළු වීම අධිකරණය විසින් වළක්වා තිබේ.