ශ්‍රී ලාංකික කාන්තාවකට එංගලන්තයේ අධිකරණයක විනිසුරු තනතුරක් හිමිව තිබේ.
34 හැවිරිදි වියේ පසුවන අයේෂා නමැති තරුණියකටයි මෙලෙස විනිසුරු පදවියක් ලබාදී ඇත්තේ.
ඇය ඉතිහාස පොතට එක්වන්නේ එංගලන්තයේ විනිසුරුවරියක වූ සුදු ජාතික නොවන ලාබාලතම කාන්තාව ලෙසයි.
ඇය විශේෂඥ වෛද්‍යරියක්ද වන අතර ඇය වයස අවුරුදු 14දීයි එංගලන්තයට සංක්‍රමණය වී ඇත්තේ. ඇය ලීඩ්ස් සරසවියෙන් වෛද්‍ය විද්‍යාව හදාරා ඇති අතර
පසුව ඇය හැරොගේට් හි විශේෂඥ වෛද්‍යවරිය ලෙස කටයුතු කර ඇති අතර ලීඩ්ස් සරසවියෙන්ම නීතිවේදය හදාරා ඇත.
ඇය බැරිස්ටර්වරියක් ලෙස කටයුතු කිරීමෙන් අනතුරුව මෙලෙස විනිසුරුවරියක ලෙස පත්වීම් ලබාගෙන ඇති බවයි විදෙස් මාධ්‍ය වාර්තා කරන්නේ.