ලබන 27 වැනිදාට පෙර නවක වෛද්‍යවරුන් 406ක් සීමාවාසික පුහුණුව සඳහා එක්කරමින් මෙරට සෞඛ්‍ය සේවයට බඳවාගැනීමට නියමිත බව සෞඛ්‍ය අමාත්‍ය කෙහෙළිය රඹුක්වැල්ල පැවසීය.
අමාත්‍යවරයා මේ බව සඳහන් කළේ තුම්පනේ ප්‍රාදේශීය සම්බන්ධීකරණ කමිටු රැස්වීමට එක්වෙමිනි.
එමෙන්ම හෙද සේවාව සඳහා ඉදිරි මාසය වනවිට 2200ක් බඳවා ගැනීමට කටයුතු කරන බවයි අමාත්‍යවරයා එහිදී වැඩිදුරටත් සඳහන් කළේ.
සෞඛ්‍ය සේවා නිලධාරීන් 222ක් සඳහා පසුගියදා පත්වීම ලබාදුන් බවත් තවත් 600ක් පමණ පිරිසක් පුහුණු කරමින් මෙම සේවාව සඳහා එක්කර ගැනීමට නියමිත බවත අමාත්‍යවරයා එහිදී අවධාරණය කළේය.