යාපනය විශ්වවිද්‍යාලයේ ඇති වූ කණ්ඩායම් ගැටුමක් හේතුවෙන් කළමනාකරණ හා වාණිජ පීඨයට ඇතුළුවීම තහනම් කර තිබූ සිසුන් 28 දෙනෙකුට පනවා තිබූ තහනම ඉවත් කර තිබේ.
යාපනයේ ඇතිවූ ගැටුමෙන් තුන්වන වසරේ ඉගෙනුම ලබන සිසුවෙකුගේ හිසට බරපතළ තුවාල සිදුවූ අතර ඔහු වහාම යාපනය ශික්ෂණ රෝහලට ඇතුළත් කිරීමටයි පියවර ගෙන ඇත්තේ.
ඉන් අනතුරුව සිද්ධියට සම්බන්ධ දෙවන වසරේ සිසුන් 16 දෙනෙකුට සහ තෙවන වසරේ සිසුන් 15 දෙනෙකුට අධ්‍යයන කටයුතුවල නිරතවීම සහ නේවාසිකාගාරය ඇතුළු විශ්වවිද්‍යාලයේ කිසිදු ස්ථානයකට ඇතුළුවීම තහනම් කෙරුණා.
සිද්ධිය සම්බන්ධයෙන් මූලික පරීක්ෂණ පසුගිය සතිය පුරා සිදු වූ අතර පරීක්ෂණ අවසානයේ සිද්ධියට සම්බන්ධ බවට හඳුනාගත් දෙවන වසරේ සිසුන් 03 දෙනෙකු හැර 28 දෙනෙකුට පනවා තිබූ පිවිසුම් තහනම ඉවත් කළ බව කළමනාකරණ අධ්‍යයන හා ව්‍යාපාර පීඨයේ පීඨාධිපති මහාචාර්ය නිමලදාසන් නිවේදනය කළේය.