ලෝක කුසලාන සුදුසුකම් ලැබීමේ ක්‍රිකට් තරගාවලියේදී ශ්‍රී ලංකා ක්‍රීඩකයින් කඩුලු 10කින් ඕමානය පරාජය කිරීමට සමත් විය.
ශ්‍රී ලංකා ආරම්භක පිතිකරුවන් වන දිමුත් කරුණාරත්න නොදැවී ලකුණු 61ක් සහ පැතුම් නිස්සංක නොදැවී ලකුණු 37ක් ජයග්‍රාහී ඉලක්කය ඕවර 15 කදී සම්පූර්ණ කිරීමට සමත් වූහ.
පළමුව පන්දුවට පහර දුන් ඕමාන පිල ඕවර 30.2 කදී ලකුණු 98 කට සීමාකිරීමට ශ්‍රී ලංකා පන්දුයවන්නෝ සමත් වීම විශේෂත්වයකි.
ඕමාන පිල ඕවර 30.2 කදී සියලු දෙනා දැවී 98 (ජටීන්ද්‍ර සිං 21, අයාන් ඛාන් 41, ළහිරු කුමාර 22/3, වනිඳු හසරංග 13/5) ශ්‍රී ලංකා පිල ඕවර 15 කදී කිසිවකු නොදැවී 100 (පැතුම් නිස්සංක නොදැවී 37, දිමුත් කරුණාරත්න නොදැවී 61)
ශ්‍රී ලංකා පිල පිට පිටම ලැබූ දෙවැනි මෙම ජයග්‍රහණය මෙයයි.