2024 වසර වනවිට කිරි පිටි ආනයනය නතර කිරීම කෙරෙහි කෘෂිකර්ම අමාත්‍යාංශය අවධානය යොමුකර ඇති බව කෘෂිකර්ම අමාත්‍ය මහින්ද අමරවීර පැවසීය.
අමාත්‍යවරයා වැඩිදුරටත් අවධාරණය කළේ රටේ කිරි අවශ්‍යතාවය සපුරාලීමට කිරි පිටි ආනයනය සඳහා සෑම වසරකදීම ඇමරිකානු ඩොලර් මිලියන හයසියයකට වැඩි මුදලක් වැය කරන බවත් කිරි කර්මාන්තය නංවාලීම මගින් රට තුළම රටට අවශ්‍ය කිරි ප්‍රමාණය නිෂ්පාදනය කර ගැනීමේ හැකියාව පවතින බවත්ය.
වෙළෙඳපොළේ වාර්ෂික කිරි ඉල්ලුම සපුරාලීමට කිරි ලීටර් මිලයන හත්සිය පනහක් අවශ්‍ය බවයි කෘෂිකර්ම අමාත්‍යංශය සඳහන් කරන්නේ.