ආර්ථිකය ශක්තිමත් වීමත් සමඟ ආනයන සීමා තවදුරටත් ලිහිල් කරන බව පාර්ලිමේන්තු මන්ත්‍රී රංජිත් බණ්ඩාර පැවසීය.
ඔහු මේ බව කියා සිටියේ හෝමාගම පැවති උත්සවයක් අමතමිනි.
පසුගිය වසරට සාපේක්‍ෂව රටේ තත්ත්වය සැලකිය යුතු ලෙස දියුණු වී ඇති බවත් ශ්‍රී ලංකාව මේ වනවිට ජාත්‍යන්තර ප්‍රජාව ඉදිරියේ හොඳ නමක් දිනා ඇති බවත් ඔහු එහිදී සඳහන් කළේය.
ශ්‍රී ලංකාව තිරසාර සංවර්ධනයක් ළඟා කර ගැනීම සඳහා යම් ප්‍රතිසංස්කරණ සහ වෙනස්කම් සිදු කළ යුතු බව එහිදී පැවසූ මන්ත්‍රීවරයා අවධාරණය කළේ එම ප්‍රතිසංස්කරණ සිදුකරන අතරවාරයේදී ජාත්‍යන්තර සංවිධාන සහ අනෙකුත් රටවල් ශ්‍රී ලංකාවට සහය පළ කරන බවයි.