වෙළඳ අමාත්‍ය බන්දුල ගුණවර්ධන අද (16) පෙරවරුවේ ඩුබායි රාජ්‍යය බලා පිටත්ව ගොස් තිබේ.
ද්වි පාර්ශවික වෙළද සබදතා ශක්තිමත් කර ගැනීම එම සංචාරයේ ප්‍රධාන අරමුණයි. මෙම සංචාරයේදී අමාත්‍යවරයා එරට ජාත්‍යන්තර වෙළද කටයුතු පිළිබද අමාත්‍ය ආචාර්ය තානි පින් අහමද් අල් – සෙයුදි හමුවීමට නියමිතය.
තෙදිනක් පුරා පැවැත්වෙන ශ්‍රී ලංකා අපනයන සන්නාම පිළිබද වෙළද ප්‍රදර්ශනය අමාත්‍යවරයාගේ ප්‍රධානත්වයෙන් හෙට විවෘත කිරීමට නියමිත බව වෙළද අමාත්‍යාංශය නිවේදනය කරයි.