හවායිහි වෙසෙන මිලියනයකට අධික ජනතාවකට හදිසි තත්ත්වයක් ප්‍රකාශයට පත් කර තිබෙනවා.
ඒ Calvin කුණාටුව හේතුවෙන්. රට ජාතික කාලගුණ සේවය පවසන්නේ කැල්වින් කුණාටුව හවායිහි Big අයිලන්ඩ් වෙත ළඟාවී ඇත්තේ පැයට සැතපුම් 45ක සුළං වේගයකින් බවයි.
මේ හේතුවෙන් මාර්ග කිහිපයක් සහ පාසල් වසා දමා ඇති අතර ගංවතුර සහ නායයෑමේ අවදානම තවදුරටත් පවතින බවටද අනතුරු අඟවා තිබෙනවා
Big අයිලන්ඩ්හිද සියලුම රාජ්‍ය කාර්යාල සහ පාසල් වසා දමා ඇති අතර Maui හි නැගෙනහිර ප්‍රදේශයේ රිය ධාවනය කිරීමෙන් වළකින ලෙසයි ජනතාවට දැනුම් දී ඇත්තේ.
විදෙස් මාධ්‍ය වාර්තා කළේ සංචාරකයින්ට කඳු නැගීමෙන් වළකින ලෙස උපදෙස් දී ඇති අතර කුණාටුව ප්‍රාන්තයේ ඕනෑම තැනක තත්ත්වයන්ට බලපෑම් කළ හැකි බවට අනතුරු අඟවා ඇති බවයි.