ක්‍රිකට් ක්‍රීඩක ධනුෂ්ක ගුණතිලක මානසික අවපීඩනයෙන් පෙළෙන බව ඔහුගේ නීතිඥවරයා ඊයේ (24) සිඩ්නි ඩව්නින් සෙන්ටර් අධිකරණයට දැනුම්දී තිබේ.
ඔහුගේ නීතිඥවරයා අධිකරණය හමුවේ කියා සිටියේ දැනට පවතින නීතිමය ක්‍රියාමාර්ග සහ මාධ්‍ය මගින් මෙම සිද්ධියට ලබාදී ඇති ප්‍රසිද්ධිය මීට හේතුව බවයි.
මෙම හේතුව පදනම් කරගනිමින් නඩු විභාගය කඩිනම් කිරීමට තීරණය කර ඇති අතර ඒ අනුව ධනුෂ්කට එරෙහි නඩු විභාගය ලබන සැප්තැම්බර් මස 18 වැනිදා ආරම්භ කිරීමට නියම කළේය.