නාන කාමරයේ සිටි කාන්තාවකගේ දර්ශන ජංගම දුරකථනයෙන් වීඩියෝ කළ පොලිස් සැරයන්වරයෙක් අත්අඩංගුවට ගෙන තිබේ.
අම්පාර මූලස්ථාන පොලීසිය සඳහන් කළේ මෙම සැරයනරයා ඇමති ආරක්ෂක කොට්ඨාසයට අනුයුක්තව රාජකාරි කරන අතර මොහු නිවසකට ඇතුළු වී නාන කාමරයේ සිටි කාන්තාවකගේ දර්ශන ජංගම දුරකථනයෙන් වීඩියෝ කර ඇති බවයි.
අත්අඩංගුවට ගත් සැකකාර පොලිස් සැරයන්වරයා හිටපු පාර්ලිමේන්තු මන්ත්‍රීවරියකගේ ආරක්ෂාවට යොදවා සිටි අයෙක් බවයි අනාවරණය වී ඇත්තේ.
මෙම පොලිස් සැරයන්වරයා හිටපු මන්ත්‍රීවරියගේ නිවසේ රාජකාරියේ නිරතව සිටින අතරවාරයේ යාබද ඉඩමකට හොර රහසේ ඇතුළු වී එම ඉඩමේ පිහිටි නිවසේ නාන කාමරයක සිටි කාන්තාවගේ දර්ශන සිය ජංගම දුරකථනයෙන් වීඩියෝ කරගෙන ඇති බවයි පොලිසිය සදහන් කළේ.
අදාළ කාන්තාව මේ බව දැක කරන ලද පැමිණිල්ලකට අනුවයි සැරයන්වරයා අත්අඩංගුවට ගෙන ඇත්තේ.