තලවකැලේ, ලිඳුල, ෆර්හෑම් වත්තේ තේ දළු නෙලමින් සිටි කාන්තාවන් පිරිසකට බඹරුන් දෂ්ඨ කිරීමෙන් සිව්දෙනෙකු ප්‍රතිකාර සඳහා ලිඳුල ප්‍රාදේශීය රෝහලට ඇතුළත් කර තිබේ.
වතු නිලධාරීන් පවසන්නේ වත්තේ ගසක බැඳ තිබූ බඹර කූඩුවක් කැඩී එහි සිටි බඹරුන් ඇවිස්සී මෙම පිරිසට දෂ්ඨ කර ඇති බවයි.
මේ වනවිට කාන්තාවන් තිදෙනකු රෝහලේ නේවාසිකව ප්‍රතිකාර ලබන බවත්, එක් අයෙකු බාහිර රෝගි අංශයෙන් ප්‍රතිකාර ලබා පිටව ගොස් ඇති බවත් ඔවුන් වැඩිදුරටත් සඳහන් කළේය.