නයිජර් රාජ්‍යයේ හමුදා කුමන්ත්‍රණයකින් බලය අත්පත් කර ගැනීමෙන් පසු නයිජර් හි නව නායකයා ලෙස තමා කටයුතු කරන බව ජෙනරාල් අබ්දුරහ්මනේ ටියානි එරට රාජ්‍ය රූපවාහිනියේ පෙනී සිටිමින් ප්‍රකාශ කර ඇත.
ඕමාර් චියානි ලෙසද හැදින්වෙන මොහු එරට ජනාධිපති ආරක්ෂක අංශ ප්‍රධානියා ලෙස කටයුතු කර තිබුණි.
නයිජර් රාජ්‍යයේ ජනාධිපති මොහොමඩ් බසූම් බලයෙන් පහ කිරිමත් සමඟ ජෙනරාල් අබ්දුරහ්මනේ ටියානි මෙසේ නව නායකයා බවට පත් ව ඇතැයි ප්‍රකාශ කෙරේ.
පසුගිය බදාදා සිට මෙම කුමන්ත්‍රණය දියත් වූ අතර හිටපු ජනාධිපති මොහොමඩ් බසූම් නව නායකයාගේ අත්අඩංගුවේ පසුවේ.
ඔහු යහපත් සෞඛ්‍ය තත්ත්වයෙන් සිටින බව විදෙස් මාධ්‍ය වාර්තා කර ඇත.