ජල ගාස්තු ඉහළ දැමීමට සාපේක්ෂව අද (03) සිට මලාපවහන ගාස්තුද ඉහළ දමමින් ගැසට් නිවේදනයක් නිකුත් කර තිබේ.
එම ගැසට් නිවේදනයේ දැක්වෙන්නේ මලාපවාහන ගාස්තු සඳහා ස්ථාවර ගාස්තුවක්ද ගෙවිය යුතු අතර ජල සම්පාදන මන්ඩලයේ ජල සැපයුමට අමතරව විකල්ප විභවයන් භාවිතා කරන විට ඒ සඳහා ජල සම්පාදන මණ්ඩලය කාලානුරූපීව තිරණය කරන අතිරේක ගාස්තුවක් ගෙවි යුතු බවයි.
ජල සැපයුමක් රහිතව මලාපවහන සේවා පමණක් ලබාගෙන ඇති අවස්ථාවක ජල සම්පාදන මණ්ඩලයේ නිලධාරීන් පාරිභෝගිකයින්ගේ ද සහභාගිත්වයෙන් කරන ක්ෂේත්‍ර පරීක්ෂාවකින් අනතුරුව තීරණය කරන ඇස්තමේන්තු අගයකට මලාපවහන ගාස්තු නියම කළයුතු වේ.
අදාළ මාසයේ ජල ගාස්තු හා මලාපවාහන බිල්පත ලැබී දින 30ක් ඇතුළත ගෙවීම් පැහැර හරින පාරිභෝගිකයින්ගේ ජල සැපයුම සහ මලපවාහන සේවාව විසන්ධි කරනු ඇති.