පසුගියදා රිජ්වේ ආර්යා ළමා රෝහලේදී සිදුකළ වකුගඩු සැත්කමකින් මියගිය හම්දි ෆස්ලින් නම් තුන් හැවිරිදි දරුවාගේ පශ්චාත් මරණ පරීක්ෂණය සිදුකර ඇත්තේ වැඩ තහනමට ලක්ව සිටින අධිකරණ වෛද්‍යවරයෙක් බව අනාවරණය වී තිබේ.
මෙම මරණ පරීක්ෂණය සිදුකර ඇත්තේ කොළඹ අධිකරණ වෛද්‍ය නිලධාරී රුහුල් හක් විසින් බවත් පසුගිය වසරේ දෙසැම්බර් මාසයේදී ඔහුගේ වැඩ තහනම පනවනු ලැබූ බවත් ශ්‍රී ලංකා වෛද්‍ය සභාව පවසයි.
කෙසේනමුත් එම නියෝගය ක්‍රියාත්මක කිරීමේ බලය ඇත්තේ සෞඛ්‍ය අමාත්‍යාංශය ඇතුළු අදාළ ආයතනවලට බවයි වෛද්‍ය සභාවේ සභාපතිවරයා කියා සිටියේ.