කොංග්‍රස් පක්ෂයේ නායක රාහුල් ගාන්ධිව වරදකරු කරමින් ලබා දී තිබූ නඩු තීන්දුවක් අතිහිටුවීමට ඉන්දීය ශ්‍රේෂ්ඨාධිකරණය නියෝග කළා.
මෙම නියෝගයත් සමඟ ඔහුට අහිමිව තිබූ පාර්ලිමේන්තු මන්ත්‍රී ධුරය හිමිවන අතර, ඒ අනුව ඔහුට නැවතත් පාර්ලිමේන්තුවට පැමිණීමට හැකියාව ලැබෙනවා.
එමෙන්ම 2024 දී පැවැත්වෙන ඉන්දීය මහ මැතිවරණය සඳහා ද ඉදිරිපත් වීමට අවස්ථාව හිමිවන බවයි වාර්තා වුණේ.
ඉන්දීය අග්‍රාමාත්‍ය නරේන්ද්‍ර මෝදිගේ “මෝදි” වාසගමට අපහාස වන අනදමින් ප්‍රකාශයන් සිදුකිරීම සම්බන්ධයෙන් ගොනුකළ නඩුවකට රාහුල් ගාන්ධිව වරදකරු කිරීම ශ්‍රේෂ්ඨාධිකරණය විසින් මෙලෙස ඊයේ අත්හිටුවනු ලැබුවා.
ඉන්දීය අග්‍රාමාත්‍ය නරේන්ද්‍ර මෝදි නායකත්වය දරණ භාරතීය ජනතා පක්ෂය නියෝජනය කරන මන්ත්‍රීවරයෙක් කළ පැමිණිල්ලක් විභාග කිරීමෙන් අනතුරුවයි ගුජරාට් අධිකරණයක් රාහුල් ගාන්ධිව වැරදිකරු කර තිබුණේ.
මෙම පැමිණිල්ලට වැරදිකරු කරමින් අධිකරණය විසින් ගාන්ධිට එරෙහිව වසර 02ක සිරදඬුවමක් නියමකළ නමුත් සිරගත කිරීමක් සිදුනොකර ඔහුට ඇප ලබා දුන්නා.
මෙම නඩු තීන්දුවෙන් අනතුරුව ගාන්ධිට සිය පාර්ලිමේන්තු අසුන ද අහිමි වුණා.