පසුගියදා රිජ්වේ ආර්යා ළමා රෝහලේදී වකුගඩු සැත්කමකදී මියගිය දරුවා පිළිබඳ පුළුල් විමර්ශනයක් පවත්වන ලෙසට කොළඹ අතිරේක මහේස්ත්‍රාත්වරිය නියෝග කර තිබේ.
වෛද්‍ය පරීක්ෂණ වාර්තාවලින් හා අධිකරණයේ ඉදිරිපත් වූ සාක්ෂිවලින් අනාවරණය වී ඇත්තේ රිජ්වේ ආර්යා ළමා රෝහලේදී වකුගඩු සැත්කමකින් පසු මියගිය දරුවාගේ වකුගඩු දෙක නියමිත ස්ථානවල පිහිටා තිබූ බවයි.
පොලිසිය අධිකරණයට කරුණු ඉදිරිපත් කරමින් සඳහන් කර සිටියේ මිය ගිය දරුවාගේ සිරුරෙන් ඉවත් කළ එක් වකුගඩුවක් රිජ්වේ ආර්යා ළමා රෝහලේ ඇති බවයි.
තම දරුවාගේ වකුගඩු දෙකම රෝහලේ වෛද්‍යවරුන් විසින් ඉවත් කරනු ලැබීමෙන් පසු එක් වකුගඩුවක් මුදල් ලබාදී හෝ බද්ධ කිරීම සඳහා වකුගඩු දායකයන් තිදෙන්‍රකු තමන් විසින් රෝහලට ඉදිරිපත් කරනු ලැබූ බවයි මියගිය දරුවාගේ පියා සාක්ෂි දෙමින් පවසා ඇත්තේ.