අයිස් මත්ද්‍රව්‍ය ළඟ තබාගෙන සිටි රහස් පොලිසියේ රාජකාරි කරන කොස්තාපල්වරයකු සැකපිට අත්අඩංගුවට ගෙන තිබේ.
මෙම සැකකාර පොලිස් කොස්තාපල්වරයා ඔරුගොඩවත්ත ආලෝක සංඥා පුවරුව අසල රැඳී සිටියදී ආදුරුප්පුවීදිය පොලිසියේ නිලධාරීන් කණ්ඩායමක් විසින් මොහු අත්අඩංගුවට ගෙන ඇත.
සැකකාර පොලිස් කොස්තාපල්වරයා පරීක්ෂා කර බැලීමේදී ඔහු සතුව තිබී මෙම අයිස් මත්ද්‍රව්‍ය සොයා ගැනීමට හැකි වූ බවයි පොලීසිය සඳහන් කළේ.
අත්අඩංගුවට ගත් සැකකරු අයිස් මත්ද්‍රව්‍ය පානය කිරීමට ඇබ්බැහි වී සිටින අයෙකු දැයි සොයා ගැනීම සඳහා ඔහු වෛද්‍යවරයකු හමුවට ඉදිරිපත් කිරීමට නියමිතය.