වාකරේ ප්‍රදේශයේ 13 හැවිරිදි පාසල් සිසුවියන් සිව්දෙනෙක් අතුරුදන් වී ඇති බව පොලීසිය පවසයි.
ඔවුන් සිව්දෙනා ඊයේ (10) උදෑසන වාකරේ කදිරවේලි සිට වාලච්චේන නගරයේ පාසලක ක්‍රීඩා උත්සවයකට සහභාගි වීම සඳහා බස් රථයකින් පැමිණ ඇති අතර එම ක්‍රීඩා උත්සවය අවසන් වීමෙන් අනතුරුව නැවතත් ඔවුන් නිවසට නොපැමිණි බවයි ඔවුන්ගේ දෙමාපියන් පවසන්නේ.
මේ හේතුවෙන් එම දෙමව්පියන් වාකරේ පොලිසියට මේ පිළිබඳව පැමිණිලි කර තිබේ.
වහාම ක්‍රියාත්මක වූ වාකරේ පොලිසිය කණ්ඩායම් කිහිපයක් යොදවා මේ පිළිබඳව විමර්ශන කටයුතු ආරම්භ කර ඇත.