ගාල්ල බන්ධනාගාරයේ රැඳවියන් අතර පැතිර යන්නේ මොනින්ගොකොකල් නැමති රෝගයක් බව අනාවරණය වී තිබේ.
රෝගය ව්‍යාප්තිය පාලනය කිරීම සඳහා සියලු පියවර ගෙන ඇති බවත් ඒ සඳහා කරාපිටිය රෝහලෙන් ප්‍රතිජීවක ඖෂධ ලබා දුන් බවත් නියෝජ්‍ය සෞඛ්‍ය සේවා අධ්‍යක්ෂ ජනරාල් වෛද්‍ය ජී. විජේසුරීය සඳහන් කළේය.
බන්ධනාගාරයෙන් පිටව ගිය රැඳවියන් හා ඔවුන් බැලීමට පැමිණි පිරිස් හඳුනාගෙන එම පිරිසට රෝගය වැළඳී ඇත්දැයි පරීක්ෂා කිරීමේ වැඩපිළිවෙළක් ද ආරම්භ කර ඇති බව වෛද්‍යවරයා කියා සිටියේය.
රෝගය වැළඳුනු රැඳවියන් දෙදෙනෙකු මියගොස් තවත් රැඳවියන් 7ක් මේ වනවිට කරාපිටිය ශික්ෂණ රෝහලේ ප්‍රතිකාර ලබන අතර ගාල්ල බන්ධනාගාරයේ රැඳවියන් පිටතට රැගෙන යාම සති 2 ක කාලයකට අත්හිටුවා තිබේ.