තවත් ප්‍රතිජීවක කාණ්ඩ තුනක් භාවිතයෙන් ඉවත් කිරීමට සෞඛ්‍ය අමාත්‍යාංශය තීරණය කර තිබේ.
මෙලෙස භාවිතයෙන් ඉවත් කර ඇත්තේ දරුවන්ගේ ශ්වසන රෝග ඇතුළු බැක්ටීරියා ආසාදන සඳහා භාවිත කරන ‘කෝ ඇමොක්සික් ලෙව්’ නමැති ප්‍රතිජීවක ඖෂධයයි.
ශ්‍රී ලංකාවේ නිෂ්පාදන සමාගමට අයත් මෙම ප්‍රතිජීවක ඖෂධ කාණ්ඩ තුන තත්ත්වයෙන් බාල බව තහවුරු වීම හේතුවෙනුයි භාවිතයෙන් ඉවතට දමා ඇත්තේ.
අදාළ ඖෂධ කාණ්ඩ තුන භාවිතයෙන් වහාම ඉවත් කරන ලෙස වෛද්‍ය සැපයුම් අංශය සියලුම රෝහල්වලට දැනුම් දී තිබේ.