කටාර් රාජ්‍යයේ සිට පැමිණි ගුවන් මගියෙකුගේ ගමන් මල්ල සොරාගත් කාන්තාවක මීගමුව මහේස්ත්‍රාත් අධිකරණය මගින් රක්ෂිත බන්ධනාගාර ගත තිබෙනවා.
පොලිසිය පැවසුවේ මෙම තැනැත්තිය මැදපෙරදිග රටවල් 5කට ඇතුළු වීම තහනම් කර තිබූ ගෘහ සේවිකාවක බවයි.
මැය කටාර් රාජ්‍යයේ ගෘහ සේවයට ගියද එරටින්ද පිටුවහල් කර තිබුණා.
අදාළ ගුවන් මගියා සහ මෙම කාන්තාව එකම යානයකින් පැමිණ තිබූ අතර එම අවස්ථාවේදී ඇය ගමන් මල්ල සොරකම් කර තිබෙනවා. ආරක්ෂිත කැමරා පරීක්ෂා කර සැකකාරිය සහ ගමන් මල්ල අත්අඩංගුවට ගැනුණා.
කෙසේ වෙතත් එහි තිබූ රුපියල් ලක්ෂ පහකට වඩා වටිනා රන් භාණ්ඩ ඒ වන විටත් උකස් කර තිබු බවයි පොලීසිය පැවසුවේ.