මෙම වසරේ අප්රේල් මස සිට ජූනි මස දක්වා වූ දෙවැනි කාර්තුව තුළ HIV ආසාදිතයි සැලකිය යුතු ලෙස ඉහළ ගොස් ඇති බව ජාතික ලිංගාශ්රිත රෝග සහ ඒඩ්ස් මර්දන වැඩසටහන පවසයි.
එය පසුගිය වසරේ දෙවැනි කාර්තුවට සාපේක්ෂව සියයට 39ක වැඩිවීමක් බවයි එහි දත්ත වාර්තා පෙන්වා දුන්නේ.
පසුගිය වසරේ දෙවැනි කාර්තුවේදී HIV ආසාදිතයන් 130 දෙනෙකු වාර්තා වී ඇති අතර මෙම වසරේ දෙවැනි කාර්තුවේ HIV ආසාදිතයන් 181 දෙනෙක් වාර්තා වී තිබේ.
අවුරුදු 15 – 24 අතර පිරිමි 26 දෙනෙකු සහ ගැහැණු 3 දෙනෙකු ඊට අයත්ය.
එසේම පසුගිය වසරේ දෙවැනි කාර්තුව තුළදී ඒඩ්ස් මරණ 13 ක් වාර්තා වී ඇති අතර එය මෙම වසරේ දෙවැනි කාර්තුවේදී මරණ 28 ක් දක්වා ඉහළ ගොස් ඇති බවත් ජාතික ලිංගාශ්රිත රෝග සහ ඒඩ්ස් මර්දන වැඩසටහන් වාර්තාවේ දැක්වේ.