අද (30) රාත්‍රියේ සෙනසුරු සමඟ ඉතා විරල ගණයේ සුපිරි නීල සඳක් දැක ගැනීමට හැකි බව කොළඹ විශ්වවිද්‍යාලයේ මහාචාර්ය චන්දන ජයරත්න පවසයි.
මෙම සුපිරි නීල සඳ නැරඹීමට හොඳම වේලාව අද රාත්‍රිය ගෙවී ගොස් පසු දින උදෑසන 5.00ට පමණ බවත් ඒ ආසන්නයේම ඉතා දීප්තිමත්ව සෙනසුරු ග්‍රහයා ද දැක ගැනීමට හැකි බවත් මහාචාර්යවරයා වැඩිදුරටත් සඳහන් කළේය.
මෙවැනි සුපිරි නීල සඳක් නැවත දැක ගත හැකි වන්නේ 2037 ජනවාරි මාසයේ බවත් මහාචාර්යවරයා වැඩිදුරටත් පැවසීය.