විදුලි බලාගාර ආශ්‍රිත ප්‍රදේශවලට සුළු වශයෙන් වර්ෂාව ලැබීමත් සමඟ ජල විදුලි නිෂ්පාදනය සියයට 20 දක්වා ඉහළ දැමූ බව ලංකා විදුලිබල මණ්ඩලයේ සාමාන්‍යාධිකාරී රොහාන් සෙනෙවිරත්න පැවසීය.
එමෙන්ම ඔහු වැඩිදුරටත් සඳහන් කළේ ජල විදුලි නිෂ්පාදනයේ ප්‍රතිශතය දිනෙන් දින වර්ෂාව ලැබෙන ආකාරය අනුව වෙනස් වන බවයි.
ජලාශවල පෝෂක ප්‍රදේශවලට සැලකිය යුතු වර්ෂාවක් මෙතෙක් ලැබී නොමැති බවත් ඉදිරි දිනවල වර්ෂාව නොලැබුණ හොත් නැවතත් නිෂ්පාදනය පහත දැමීමට සිදුවන බවත් ඔහු අවධාරණය කළේය.