ස්පාඤ්ඤ පාපන්දු සම්මේලනයේ සභාපති ලුයිස් රුබියල්ස් එම ධුරයෙන් ඉල්ලා අස්වී තිබේ.
කාන්තා ලෝක කුසලාන අවසන් ත්‍යාග ප්‍රදානෝත්සවයේදී ස්පාඤ්ඤ ඉදිරිපෙළ ක්‍රීඩිකා ජෙනී හර්මෝසෝ සිපගැනීම සම්බන්ධයෙන් එල්ල වූ විවේචන හේතුවෙනුයි සභාපතිවරයා එම ධුරයෙන් ඉල්ලා අස්වී ඇත්තේ.
33 හැවිරිදි හර්මෝසෝ පසුගිය අඟහරුවාදා මේ සම්බන්ධයෙන් නීතිමය පැමිණිල්ලක්ද ගොනු කරනු ලැබූ අතර ස්පාඤ්ඤයේ මහාධිකරණය අඟහරුවාදා හර්මෝසෝගේ සාක්ෂියෙන් පසුව රුබියල්ස්ට එරෙහිව ලිංගික අතවර සහ බලහත්කාරකම් සඳහා චෝදනා ගොනු කර ඇති බවයි විදෙස් මාධ්‍ය වාර්තා කරන්නේ.