ශ්‍රී ලංකා නවක වේගපන්දු ක්‍රීඩක මතීෂ පතිරණ එළඹෙන බංග්ලාදේශ ප්‍රිමියර් ලීග් (BPL) ක්‍රිකට් තරගාවලියේදී Rangpur Riders කණ්ඩායම සමඟ ක්‍රීඩා කිරීමට නියමිත බව වාර්තා වෙයි.
ඒ අනුව ලබන වසරේ ජනවාරි මාසයේදී ආරම්භ වීමට නියමිතව ඇති 2024 BPL තරගාවලියේ දී මතීෂ සිය කණ්ඩායම් සගයා වන වනිඳු හසරංග සහ ඊට අමතරව Nicholas Pooran සහ Babar Azam වැනි ක්‍රීඩකයින් ද සමඟ Riders වෙත සිය දායකත්වය ලබා දෙනු ඇති.
විශේෂම කාරණය වන්නේ මතීෂ කණ්ඩායමට එක් වීම පිළිබඳ Rangpur Riders විසින් සමාජ මාධ්‍ය මගින් ඔහුව ‘Baby Malinga’ ලෙස හඳුන්වා තිබීමයි.