රට තුළ ඉන්ධන හිඟයක් ඇති වුවහොත් පෞද්ගලික බස් රථ සඳහා ලංකා ගමනාගමන මණ්ඩලයේ පිරවුම්හල්වලින් ඉන්ධන ලබාදීමේ වැඩපිළිවෙළක් සැලසුම් කරමින් ඇති බව ප්‍රවාහන රාජ්‍ය අමාත්‍යංශය පවසයි.
මුදල් අමාත්‍යවරයා සමග පැවති සාකච්ජාවකදී මේ පිළිබඳ අවධානය යොමු වූ බව රාජ්‍ය අමාත්‍ය දිලුම් අමුණුගම ප්‍රකාශ කළේය.
මේ වන විට දින 2කට ප්‍රමාණවත් ඉන්ධන තොග ලංකා ගමනාගමන මණ්ඩලය සහ දුම්රිය දෙපාර්තමෙන්තුව සතුව පවතින බවත් පෙරේදා දිනයේ ඛනිජ තෙල් සංස්ථාවට යොමු කළ ඇණවුම් සඳහා ප්‍රමාණවත් තෙල් තොග මෙතෙක් ලැබී නොමැති බවත් රාජ්‍ය අමාත්‍යවරයා අවධාරණය කළේය.