තලෙයිමන්නාරම හා කොළඹ කොටුව අතර නව දුම්රිය සේවාවක් ආරම්භ කර ඇති බව දුම්රිය දෙපාර්තමේන්තුව පවසයි.
දුම්රිය පාලක මැදිරි කාර්යාලය සඳහන් කළේ මෙම දුම්රිය තලෙයිමන්නාරම දුම්රිය ස්ථානයෙන් අලුයම 4.15 ට පිටත් වන අතර පෙරවරු 10.34 ට කොටුව දුම්රිය ස්ථානයට ළගා වන බවත් සවස 3.35ට කොටුවෙන් පිටත්ව රාත්‍රී 10.48 ට තලෙයිමන්නාරම තොට දුම්රිය ස්ථානයට ළගා වන බවත්ය.
වායුසමනය කළ පළමු පන්තියේ මැදිරි දෙකකින් ද දෙවන පන්තියේ වෙන්කළ ආසන මැදිරි දෙකකින් හා දෙවන, තුන්වන පන්තියේ සාමාන්‍ය මැදිරිවලින් මෙම දුම්රිය සමන්විතය.