අනුරාධපුර දිස්ත්‍රික් පාර්ලිමේන්තු මන්ත්‍රී උද්දික ප්‍රේමරත්නගේ වාහනයට වෙඩි තැබීමේ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව පුද්ගලයින් 13 දෙනෙකුගෙන් ප්‍රකාශ සටහන් කරගෙන තිබෙනවා.
ඒ අනුව යම් යම් උපකල්පන මත පරීක්ෂණ පැවැත්වෙන බවයි අපරාධ පරීක්ෂණ දෙපාර්තමේන්තුවේ උසස් නිලධාරියෙකු කියා සිටියේ.
පාර්ලිමේන්තු මන්ත්‍රී උද්දික ප්‍රේමරත්න පසුගිය ඉරිදා රාත්‍රියේ අනුරාධපුර ප්‍රදේශයේ පිහිටි සිය නිවස බලා මෝටර් රථයකින් යමින් සිටියදී තවත් මෝටර් රථයකින් පැමිණි පිරිසක් වෙඩි තබා පළා ගොස් තිබෙනවා.
වෙඩි තැබීමේ සිද්ධියට සම්බන්ධ සැකකරුවන් සියලු දෙනා වහාම අත්අඩංගුවට ගන්නා ලෙසට අනුරාධපුර අගවිනිසුරුවරයා නියෝග කර ඇත්තේ පොලිසිය ඊයේ අධිකරණයට කරුණු ඉදිරිපත් කළ අවස්ථාවේදීය.